香港球壇「流行曲」你聽過幾首？ (1)

香港球壇「流行曲」你聽過幾首？ (1)

本地樂壇近年開始復甦，出現唔少高潛質嘅歌手，例如Gin Lee, Aga 等，相信對大部分香港人黎講亦唔陌生，但係對各位球迷朋友黎講，大家又知唔知同香港本地球壇有關嘅「流行曲」，有邊幾首？

要講流行曲，就唔少得組合，原來2010年嘅時候，陳7曾經同隊友文彼得、李威廉、郭建邦與梁倬軒組成男子組合 Red Force，並出碟闖樂壇，南華歌就係其中一首。
https://www.kkbox.com/hk/tc/song/NoCG9Vn04178mFS60FS600P4-index.html

高登音樂台
1）油渣 (原曲: 浮誇)
南華季尾宣布自願降班，從事石油勘探開採設備業務嘅足主張廣勇（油渣）正式結束接任羅傑承嘅3年任期，油渣擔任南華足主3年以來，南華成績一直未如理想，連續3年四大皆空。14年尾，高登仔將Eason 嘅浮誇改成 ‘油渣’ 向呢位足主說不。

‘球場內 越寧靜 越變得 不受理睬 南華要搞出意外’
’用力去逼搶 像十足巴塞 卻從來察覺老細沒理睬‘
‘新聞有話題 任我加 做大財閥家‘
’一拍兩散 張廣勇現形 話你知 現在淪落嗎?‘

歌詞除咗搞笑，聽完歌，由南華降班命運睇返歌詞，更顯得諷刺。
MV: https://www.youtube.com/watch?v=zU3bciMKjfE

2）好好比賽 （原曲：好好戀愛）

有班非常有心嘅巴打1年半前將方力申、鄧麗恩嘅「好好戀愛」 二次創作成「好好比賽」，歌曲同樣係講香港隊世界盃外圍賽開精彩表現，歌詞「是那日，是佢整出張海報後，球迷我，堅嬲這一次」講到港中大戰前夕，中國足總推出一系列海報，暗諷港隊由唔同種族開球員組成，引起大量本地球迷不滿。

MV: https://www.youtube.com/watch?v=AMMIHkxqU48


球會 會歌/打氣歌 篇

1）傑志 ：We are kitchee!

傑志嘅打氣歌，落重本搵黎 C Allstar主唱，首歌喺2012年中推出，由傑志球員、球迷同埋C Allstar 成員一齊拍MV，片中更有唔少宜家已經離隊嘅球員參與拍攝，例如卡里爾、曾錦濤、鄭少偉，更加唔小得嘅就係當時嘅總教練 甘巴爾，呢位西班牙人來頭唔小，曾經係巴薩青訓教練、宜家仲執教緊澳洲u23。

4年後，傑志推出mv 2.0，加入咗唔少更具動感、唔同比賽嘅片段、更有一部份係球員喺紀念品店、更衣室、同埋辦公室踢波嘅片段，非常搞笑！

MV 1.0 : https://youtu.be/Po1lYno2ZUs
MV 2.0 : https://youtu.be/06Ykl21_MXo

2）東方：東方傳奇

東方喺2年前，為配合當時首屆港超聯，推出官方會歌。同傑志一樣，東方嘅會歌一樣係落重本，不過拍攝同歌曲風格就明顯唔同。傑志揀咗 C Allstar，走向年輕、輕鬆路線；而東方就搵黎林子祥主唱，Eric kwok監製。另外，東方嘅MV雖然只有球員參與拍攝，但畫面依然非常豐富，4分鐘嘅片段，由阿lam嘅雄厚嘅歌聲 配合大量慢動作、特技、水花效果等…
MV : https://youtu.be/aiwkxinQ4Oc


3）公民：攻道 屯門：FIGHT FOR TUEN MUN
流浪： 流浪同盟/ 打打氣 晨曦：高低一起

你以為得大隊先有打氣歌？錯喇，原來公民、屯門、流浪同晨曦都分別有自己嘅打氣歌，當中晨曦嘅打氣歌更由校長主唱，雖然打氣歌嘅畫面比起大會亦相對冇咁豐富，但亦不失為好歌！

公民：https://www.youtube.com/watch?v=divkNve4NpQ
屯門：https://www.youtube.com/watch?v=nTx0H5evmgo
流浪（1）：https://www.youtube.com/watch?v=pppurDIitWk
流浪（2）：https://www.youtube.com/watch?v=bkxFz5H8ex0
晨曦：https://www.youtube.com/watch?v=zYTwjzQ5Q8w

港隊篇

1）Come on Hong Kong

「Come on the game on, we are Hong Kong, victory and glory, fighting for Hong Kong 」如果大家未聽過呢句歌詞，又點算係港隊嘅死忠球迷？ （link喺下面，快啲聽）

呢首歌係 4年前出，由supper moment 主唱，mv雖然唔算特別，只係港隊嘅比賽片段，但每次睇返mv 同 聽歌，都會令人諗起港中大戰，香港代表隊無懈可擊嘅表現，捍衛咗全港700萬人嘅尊嚴，亦同時教我哋唔好忘記球員嘅付出，作為球迷就要多啲喺香港隊、港超嘅比賽中，入場支持！

MV (舊)https://youtu.be/J6hu6ZBEiG4
(新)https://www.youtube.com/watch?v=5cJruQ_jYMc

小結
如果各位球迷入場睇波次數唔少，應該都會聽過各首球會會歌。至於港隊嘅打氣歌，大家聽嘅時候都一定會諗返起港中大戰嘅2晚，有無數守候喺電視旁嘅觀眾，為港隊守和國足嘅表現而感動驕傲，更帶起一輪足球熱潮，唔少港超比賽有入場人數上升，但結果熱鬧過後，入場人次回復「正常」，有某啲場次甚至得寥寥幾十人入場，球壇亦難逃老細足球 嘅厄運，南華降班、東方換班主等等 都足以證明。要支持香港足球嘅發展，唔止要支持港隊，港超聯嘅發展同樣需要球迷入場，如果唔係，喺政府繼續唔重視體育發展嘅情況下，香港足球發展並未見樂觀！

上文提到嘅4首 香港球壇 「流行曲」，各有特色、意義，大家有興趣就要留意本系列嘅第2部分喇！
圖片來源： 各球會fb, hkfa , apple daily

~~~~~~~~~~
本專欄會從不同角度，與球迷分享有關香港足球的所見所想。同時亦希望能吸引更多球迷入場欣賞本地波嘅賽事，為香港足球加油！

本專欄每月會出4-5篇文章，當中會有分析，講解或其他唔同類型嘅文章。

facebook page ：香港足球