2017-08-25 傑志 VS 東方 上半場分析

香港足球分析 於 28/08/2017 發表
小弟第一次嘗試分析本地球賽,我係邊睇東網邊cap 圖,雖然象素不高,希望大家喜歡及多多包容,亦歡迎提出建議。

~0’57
https://imageshack.com/i/pn8vwMC7p
黃洋 掛著睇波,無走位,造就傳波空間

~ 4’0
白鶴轉守為攻,一下直線,不錯的反擊

~5’20
李志豪的長傳不準,失波

~6’20
李志豪包位幾好,落腳好準

~8’45
李志豪後場攞波,係無壓力下一個質量不高的傳球,東方失去控球權

~前10分鐘的小總結
東方中場短傳不錯,但不具備組織能力,容易傳失

~11’
黃子皓同隊友 one two, 左路傳中到遠處,落點還可以

~11’45
https://imageshack.com/i/popGIwQ2p
https://imageshack.com/i/pmT0BgjVp
黃洋又次無留意對手企位,回後幫手時間慢咗,所以到佢攞波時,已被圍困,再加上佢無留意到華杜斯呢個傳球選擇,最後佢只可以回傳比後衛,最終傑志係中後場被迫得透不過氣。

~15’10
傑志後防得球,長傳盧卡斯,作為進攻支點,幾好

~17
傑志龍門球,李志豪係自己中後場一腳控甩,但控球前明顯無留意對手企位,如果有留意,其實可以控向另一邊,受壓下明顯不失所措,但球證吹罰傑志

~前20分鐘的小總結
以香港足球來講,白鶴其實做得幾好,敢key 波,敢用波

~29
東方右路罰球砍入禁區,勞高攻門中龍

~20-30 分鐘小總結
東方短傳幾好,能夠保持控球權,組織可始上力,但最後一傳的能力偏弱。傑志到目前為止,只有零星反擊。

~30:30
https://imageshack.com/i/poEoI7cBp
東方後場開短,鞠盈智由中場回後製造傳球支點,但右後衛的傳球選擇好有問題,明明有時間可以傳比鞠盈智,卻一直拖至無選擇下傳比沉底的後衛,最後只能大腳至半場傳失,被傑志一個反擊,東方中路防守空哂,得番兩個中堅面對傑志三前攻擊球員,東方左右後衛亦盡力回防,最後艾力士20碼左右右腳抽射,球不知所踪。另一個問題就是暴露了鞠盈智沒有防守意織,當中堅大腳傳波時,作為中場中最後的一個卻沒有回到中路,保護中堅。

~32
https://imageshack.com/i/poYSGiUhp
東方反擊,黃梓浩左路推進,麥基拉走咗一個守衛,羅港威走入兩個中堅間的空檔,亦示意黃梓浩比個直線,可惜,黃梓浩卻選擇拖慢,保持控球權。傑志華杜斯當然亦留意到所以積極回防。

~36
丹尼頭槌回傳王振鵬,接不實個波,被東方球員截得並回傳隊友撞射,可惜空門不入

~37
李志豪chip 波傳比空哂的羅港威,心口半傳半控,又輕易失去控球權

~41
https://imageshack.com/i/pm7ke9XAp
https://imageshack.com/i/pogNhSpip
https://imageshack.com/i/pnrst9jQp
傑志黃金機會,一個反擊比到艾力士,盧卡斯走位帶走中堅,艾力士之後拖入中路,遠處傑志球員亦走向中堅身後的空間,可惜最後一腳兩個球員時間配合不對,艾力士傳咗身後。呢個傳比身前一兩步就係單刀。
另一個選擇係係上圖一兩秒後,艾力士chop 比遠處球員的前方空間,因為個陣時,東方中堅會再向右移。
另外,東方右後衛應該全速追過傑志球員,最好當然不會包咗offside 。就算包咗,你會寧願有一個守衛係龍門面前,好過比對方單刀

~43’31
李志豪左腳解圍失敗,傳咗比傑志球員


半場總結
東方中場的短傳真的算不錯,就算傑志加強壓迫,儘管不算從容,但總算保持到控球權,但好一些香港本地球員的傳球時間及選擇都有一些問題,明顯係慢咗。整得最後一腳傳腳欠威脅,好幾次係對手三分一前場時草率用波,傳失了波,比反擊。


傑志其實踢得有點亂,主要打反擊,好幾次直傳比盧卡斯作支點又或直線比艾力士用速度製造威脅,傑志的小組滲入係比較強。

球員點評
李志豪的攔截係幾好,但用波能力偏弱,個波係佢到時,佢好緊張,好幾次都比對手迫得險象環生。
鞠盈智作拖後型中場後場走位合理,為隊友提供短傳選擇,梳理中場幾好,如可以加強防守企位就不錯。

黃洋明顯比同作用的鞠盈智比下好。
羅港威走位不錯,識走空位,但上半場已有兩球暴露出心口控波能力不足的地方。
黃梓浩幾鍾意同隊友做短傳one two,有一定進攻及防守意識,可加強直線及最後一傳的傳球能力。佢比我感覺有一點似Marcelo.