米高積遜、甘地、John Lennon 巴乙聯賽做隊友? 精選

米高積遜仲在生？仲要去咗巴乙嘅戈亞尼恩斯踢波？到底發生咩事？

戈亞尼恩斯突然間變成「名人堂」。雖然戈亞尼恩斯依家流落巴西乙組聯賽，實力就唔勁；不過，陣中球員就「出名」到嚇死人，最近就簽入「米高積遜」，當然呢個只係同美國已故歌神同名同姓嘅巴西人
呢位森巴前鋒米高積遜（Michael Jackson），曾經踢過柏拉尼恩斯同富明尼斯，仲去過中國搵食；依家加盟戈亞尼恩斯，同另外兩個「國際級名人」聚首一堂！

因為，戈亞尼恩斯陣內仲有約翰連儂同甘地架！

呢個就係「約翰連儂」
佢嘅真名係John Lennon Silva Santos，踢後衛。

呢個就係「甘地」
真名其實係Mahatma Gandhi Heber Pio，都係踢後衞。

其實戈亞尼恩斯咁多「殿堂級猛人」，都係因為巴西人鍾意用自己改嘅花名，多過用真名做稱謂有關咋。