托利斯復活大爆發！快速入波兼完美演繹單刀球一吐烏氣

响一片爭議聲之中，托利斯重新成為西班牙嘅正印中鋒，車路士射手用最好嘅表現黎回報迪保斯基嘅信任，個人梅開二度，協助西班牙輕鬆大勝愛爾蘭，而托利斯响賽後亦被官網評為最佳球員。今次托利斯可以話係一吐烏氣，令所有抽水者消失！

http://www.dailymotion.com/video/xrjmxq_forza-player-fernando-torres_sport
開波3分幾鐘，托利斯就自動波，偷波推入禁區，再整腳重炮大力揪入網。托利斯今次咁快入波，令到在場嘅西班牙球迷旋即陷入瘋狂，大家就好似回到過去一樣，見返我地認識嘅費蘭度托利斯。

咁先係我地認識嘅費蘭度托利斯加麻！

到咗第70分鐘，西班牙經過近30腳傳球之後突然加速，大衛施華直線，托利斯快速插上形成單刀。呢次托利斯無好似巴神咁思考人生，亦無好似C朗咁响方圓10米無人防守嘅情況下射斜，西班牙9號先係做一個調整嘅動作，順便得住衝埋黎嘅防守球員，再精準推射死角。

今次托利斯嘅單刀波處理得十分之好！

托利斯：法比 Give me five!