[圖片] 球星紋身逐個睇!

波係圓嘅 於 13/06/2013 發表 收藏文章
球星們身上總有幾個古靈精怪嘅紋身,以下呢五個你又見過未?

咸爺幾乎紋到成身都係,佢喺北京大學見面會上就秀左腰間呢八個大字俾粉絲睇——「生死有命富貴由天」。呢個紋身係佢2008年來港時,專程搵香港首席紋身師沈龍威紋嘅,呢位師傅都夠威威囉!

同樣係爸爸嘅美斯就紋左仔仔嘅手印喺小腿上,真係廿四孝爸爸!

喺身上紋漢字嘅唔只咸爺一個,貝碧托夫都喺右手手臂紋左「百無禁忌」四隻字,不過……佢想表達咩呢?

AC米蘭中場奇雲保定同樣喜歡漢字,身上紋有「家族」、「健康」、「愛」、「成功」同「信任」五個詞,相信呢D就係對佢最重要嘅野吧!

東方嘅文化似乎得到唔少西方球星嘅垂青,葡萄牙國腳迪高就喺自己嘅右肩同右臂紋上一個日本女子。不過最驚人嘅係:傳聞佢曾經將前教練史高拉利嘅樣紋左喺左肩!!!
標籤: 紋身  刺青  碧咸  美斯  

留言


請按此登錄後留言。未成為會員? 立即註冊
    快捷鍵:←
    快捷鍵:→