每日郵報評論：冰之子應成魔！ 精選

人人都話雲佩斯唔肯續約，一定係想投城，不過每日郵報的球評家Martin Samuel就認為冰之子離開兵工廠的話，最好的歸宿竟然係紅魔鬼曼聯！
呢個傳聞...筆者幾中意！你又點睇？
點解？曼聯今時今日，前線最依重嘅當然係朗尼仔啦！佢同雲佩斯可能有啲風馬牛不相及，不過兩位球星似乎出乎意料地合拍噃！同樣係典型10號仔，習慣做進攻中場、影子殺手；但同時亦可以成為「禁區之狼」，變身9號仔做中鋒型前鋒強攻。單獨一個已經好難阻撓，如果冰之子成魔，二人互相輪換位置、補位，將對手的防線拉散；呢一刻身為中鋒嘅朗尼可以突然變身進攻中場，交波後上嘅雲佩斯等佢變成入波功臣。如此的一對鋒線組合，將會令英超所有後防線風聲鶴唳！
我期待同你合作呀肥仔！除件衫俾你著又點話！

而曼聯想買入冰之子亦唔係無可能噃，前車有拿斯尼之鑑，情況可以話同當年一模一樣：同樣剩下一年合約、同樣唔賣就無轉會費收入，阿仙奴可以話係逼上梁山，不賣不可。爵爺從來都中意嚇你一驚，今年我哋送別咗驚喜之將奧雲仔，唔知會唔會嚟多個「紅色冰暴」呢？
「紅色冰暴」！