雲佩斯入魔各足球名人反應

曼聯專區 於 17/08/2012 發表 收藏文章
里奧:「佢加盟令爵爺多好多攻擊球員可以選,作為其他領隊我會不知所措,唔知點備戰好,因為根本無辦法可以預計我哋出咩人。今夏人人都期待新球員成魔,不過雲隊長一定係新隊友入面最強大嘅!」

卡域克:「雲佩斯上季真係好恐怖,我諗無人想面對咁強大嘅對手!不過今季我哋唔怕lu,因為佢已經係隊友!足球係講成隊人,包括埋板凳深度,依家整體都因為佢加盟而提高咗質素,一定會協助球隊重建三冠王偉業!」

朗尼:雲佩斯轉會當晚已經在twitter發文:「Piers Morgan (體育記者,亦是阿仙奴粉絲)今次大獲喇!(阿仙奴)點算?再買大牌球星?」

費格遜:「我好高興可以重現1999年奪得三冠王時同等的鋒線攻力!當年有高爾、約基、舒靂咸同蘇斯克查,今日我有朗尼、雲佩斯、韋碧克同查維亞靴南迪斯,調動能力已經高咗好多。好歡迎佢嘅加入!」

雲加:「老實講,我真係寧願雲佩斯去國外發展,好似巴黎聖日耳門咁。佢幫我哋打咗八年,上季仲入咗30球,差唔多一場一球,真係好難替代…曼聯好了解佢嘅能力,好清楚佢有幾強。不過我哋真係無辦法留住佢。」

前阿仙奴球員柏奴亞(Ray Parlour):「奴出售雲佩斯令自身實力受損,反而令宿敵的戰鬥力更強勁,對於兵工廠來說是重大打擊。已經有好多年無同曼聯達成交易,因為阿仙奴唔應該幫佢哋,曼聯一直係宿敵…今次係一個重大打擊。」

前車路士球員維埃里(Gianluca Vialli):「呢單轉會行動好重要,雲佩斯同朗尼的雙劍合璧讓人十分期待。曼聯原本已經好強,加埋佢呢個補充一定所向披靡。」

韋碧克:「依家我哋嘅鋒線深度大咗,入球一定陸續有嚟,尹佩斯加盟對球隊絕對係「百利而無一害」,佢係一位世界級球員,除咗曼城之外,其實仲有很多球隊對佢虎視眈眈,但好開心佢最終選擇咗曼聯!佢可以改變成場比賽,為球隊射入更多波,是一位可以為球隊帶來冠軍嘅球員。」
標籤: 里奧  卡域克  朗尼  費格遜  雲加  柏奴亞  維埃里  

留言


請按此登錄後留言。未成為會員? 立即註冊
    快捷鍵:←
    快捷鍵:→