你去旅行會plan行程嗎？我有個朋友，佢每次去旅行都有一份釘裝好的A4紙行程，每次睇到我都覺得大開眼界。A4紙上面資料非常詳細，文字部份包括每日行程，內容有：幾點起身、去邊度食早、午、晚三餐、幾點出發去邊個景點、景點地址及開放時間與入場費、搭車搭幾耐、幾點到邊度、幾點要去下一個景點、行街要行邊幾個牌...
打工換宿的開頭，我真的沒有很享受。特別是工作的時候，真的好累好累，像我這樣的城市少女，從小到大無論做兼職還是全職，也會找舒服的工作，做得最多是賣笑的工作，輕輕鬆鬆鄧梓峰是我做人的宗旨。當初跑來台灣沒有想太多，一日內跟民宿聯絡好就決定來，大概知道工作是什麼，但都以為是輕鬆地打掃。（哪來的天真想法啊？）...
我在花蓮兩星期，每日，係每日都落雨，仲係落親都大雨。由頭幾日心情好郁悶，日日都想佢停雨，到後來已經習慣了。我都唔理天氣照出去玩，反正我預左佢一定會落雨，落飽佢。有時朝早或者下晝有一陣陽光就已經好開心，覺得今日賺左！經過呢10幾日大雨，以後旅行落雨打風我都唔會覺得失望架喇。同香港唔同既係，台灣好興著雨...
這幾年對成長最深刻的體會是，人要學會享受一個人的時間。 沒有什麼人可以一直陪伴你直到永遠，家人、男朋友、朋友，都不例外，更多的是由親密走到陌路，由熟悉變成生疏。即使幸運地一直感情如初，本來每個人就是獨立個體，有自己的生活和圈子，有自己喜歡做的事，都不可能任何時候都跟你黏在一起做相同的事。出來工作以...
在花蓮最仿徨的一天就是相機鏡頭忽然壞掉了的那一天，就是那天參加了太魯閣一天遊看泥水，旅程中途相機從腳架上跌了下來，鏡頭跌歪了，完全用不到，影不到相。當下真的欲哭無淚，台灣之旅還有一半，而我是非常不喜歡用電話影相的人。一天遊完結後，那可惡的導遊把我丟在市區，說附近有賣相機的店，就走了。但我找了好久都找...
阿美問我幹嗎帶她來看泥水，她說花蓮的皇牌景點太魯閣一點都不值得來，我默默認同。姐還花了台幣700蚊參加day tour真的蝕大本！！
之前說過花蓮交通不方便，出去玩除了的士，就是靠親愛的台妹們車我出去。原來大部份台妹都會騎機車，民宿亦提供了一架機車給大家出入，所以我們就經常騎機車出去。對香港人來說都算是個難得的體驗，至少我身邊真的沒有朋友有電單車牌，所以在香港沒坐過，覺得好新奇好好玩。但有時台妹們開車好快，開到時速80已經有玩過山...
一直什麼機動遊戲都不敢玩的少女竟然去挑戰飛行傘！！台灣可以行飛行傘的地方不多，花蓮的磯崎是其中一個玩飛行傘的好地方，有山有海，環境非常非常正！！其實永遠都係出發前最驚，上到山頂望到下面有腳軟的感覺......當真係飛左上天，就唔會驚架啦，淨係覺得嘩好靚好靚好爽好爽呀樹林同山同海都在我腳下我真係識飛喇...
此post有家長指引，建議10歲以下小朋友由家長陪同收看。話說台妹們對廣東話最有興趣的部份永遠都係粗口......唔係佢地問我都唔發現原來廣東話鬧人既用語真係好多，佢地不停問我呢句點解個句點解，係鬧人乜野，我真係唔識答......「仆街啦」、「收皮」、「你條hihi」、「你好L on9」、「頂你個肺...
跟不同的台灣人相處了一段日子後，我有個小發現，就係佢地講野傾向係好誇張。例如佢地咩都會話：「嘩超美！」、「這個真的超好看！」、「那地方超好玩！」但明明就唔係真係甘靚、甘好睇同甘好玩。佢地係好少話一樣野唔好，就算真係覺得唔好，都硬係要講「還好啦」，聽起上黎好似都OK甘。我問佢地覺唔覺得自己有呢個傾向，...
夏天是金針花盛開的季節，花蓮有兩個賞花的好地方，分別是六十石山和赤科山。後者會近花蓮市區一點點，所以有日放假就去左赤科山。整個山頭都是橙黃色的金針花，好美好美！！原來金針花可以用黎煲湯的！最佳賞花期大約是8月到9月初。
花蓮交通非常不方便，所以我成日都要搭的士。呢度既的士司機都好好傾，每個都會好熱情同你由上車傾到落車。今日遇到的好低能。 司機：嘩你好厲害啊自己來台灣，你叫我自己去香港我都不敢。 少女：香港很安全不用怕。 司機：香港有古惑仔！！！他們很兇！！！ 少女：...... 其實他不是第一個台灣人說香港有古惑...
有一晚跟一起打工換宿的台妹說起廣東歌，我問佢會聽咩香港歌手既歌，佢話E神、王菲同Beyond。嘩真係香港樂壇沒落了，覺得台灣人對香港的印象還停留在很久遠的歷史裡，無論電影還是音樂。佢叫我介紹一首好聽既廣東歌俾佢聽，我就將羅生門既故事同佢講一次，之後佢一邊睇住歌詞一邊聽，同我討論一下台灣同香港用字有咩...
花蓮有不少日治時期留低的日式建築，包括將軍府、松園別館、慶修院等等。前陣子將軍府正在舉辦浴衣祭，可以免費試穿日本浴衣！我去日本都沒有試穿和服，因為覺得貴，也不想穿一整天周圍走，只想影影相。想不到來台灣有機會穿浴衣，其實同和服差不多，不過穿法簡單好多。重點是免費！將軍府是日治時期高級官舍，建築很有日本...
這次打工換宿除了清潔外，還有一個職責是照顧民宿的狗BoBo，牠的品種是比熊犬，真係好似熊！其實BoBo也是我揀在這間民宿打工的其中一個原因，因為我細細個就好想養狗，仲諗定如果第時真係養的話，隻狗就叫曲奇，但屋企人唔俾，所以一直都只係想。不過後來又覺得經常去旅行既人其實都唔適合養狗，冇可能成日掉低狗狗...
花蓮是一個鄉郊地方，市區就只有幾條街，其他都是山和海。花蓮的海不是普通不知名的海，那是太平洋，海水的顏色有層次的，從透明到淡綠到淺藍到深藍，這邊的海比好多以陽光與海灘作主打的地方還要靚更多更多。在民宿工作每三日就放一日假，第一日放假就去了海邊踩單車，熱到hihi，但好kai先。
在民宿的工作基本上都跟清潔有關。洗碗、執房、洗床單毛巾、曬床單毛巾、掃地、吸塵、拖地、抹呢樣個樣、幫花園植物淋水、倒垃圾。咪即係housekeeper？Exact7ly。如果前一晚民宿房全滿的話......不要再說了。呢度做3日已經係我全年係屋企做家務既總和，好很攰。每日大概做5個鐘，減肥效果絕對好...
為什麼去打工換宿？ 想體驗異地生活、深入了解台灣文化、認識台灣朋友、知道民宿運作......都是假的。只是想離開香港一段日子，而錢又不夠，所以用勞力換取免費住宿，留得一日得一日。 為什麼是台灣？ 喜歡台灣。 為什麼是花蓮？ 想遠離人囂、同山水花草做朋友、過鄉郊生活。這是真的。 去幾耐？ 台灣個...
一直都幾鍾意澳門呢個地方，一來近啦，一個鐘船程好快；二來有勁多好野食，葡撻豬扒包魚翅麵水蟹粥木糠布甸雪糕三文治好多好多；三來有好多葡式建築，係影相好地方；四來仲有好多靚酒店、大型度假村，沒有最豪華只有更豪華；五來有機會發達......（好似係）所以我一年最少黎澳門一次，兩日一夜週末鬆一鬆好開心。 ...
如題，清境的重點從來都是綿羊。之前都有出文介紹過啦，「[台中景點] 羊年春天小旅行 青山散步於台灣小瑞士清境 X 廬山溫泉 養生一日遊 」，看羊的地方主要在青青草原。那今次又介紹什麼呢，就是青青草原之外，還有一個叫綿羊城堡的地方，是看綿羊仔的！ 綿羊城堡就在青青草原再行上一點，是一座啡色的城...