老實講，近年好多打吡戰都冇咗以前嗰種熾熱嘅氣氛，例如英超入面嘅曼市打吡、北倫敦打吡，呢啲強隊交鋒，好多時都求穩為先，唔再係以前嗰種飛沙劈石、搏命對攻。不過今次德甲嘅魯爾區打吡 (Revierderby / Ruhr derby)，多蒙特大戰史浩克04，就絕對冇令花生友失望，但就辛苦兩隊球迷睇到嘔血喇...
本來意大利冇得踢2018世界盃決賽周呢啲傷心已經過咗，但佢哋唔用嘅兩位前鋒喺事發嘅一個星期之後，咁啱輪流發威，再次令人諗起意大利選兵排陣嘅荒謬。早前，喺拿坡里當紅嘅恩斯治尼喺歐聯射入世界波，而啱啱喺歐霸分組賽，連入選大名單嘅機會都冇嘅「巴神」巴洛迪利，就梅開二度，兼成為歐霸本周最佳球員候選人之一。 ...
今季踢到依家，喺歐聯同歐霸分組賽咁多支球隊之中，就只有一位英格蘭籍嘅正印主帥，就算計埋看守領隊，即係愛華頓嘅安斯禾夫 (David Unsworth) ，加埋都只係得兩個，但相信大家未必第一時間就諗到呢位仁兄到底係邊個。佢係執教瑞典超級聯賽球隊奧斯達辛斯 (Östersunds FK) 嘅格拉咸波特...
兩支英超球隊剛剛出戰歐霸分組賽，表現同樣令人失望。一方面，阿仙奴一再派出副選兼怪陣亂踢，傷癒復出嘅張伯斯竟然要踢翼衛，而閘位出身嘅迪布治繼續當中堅用，不過佢哋雖然以0-1不敵科隆，激死唔少阿迷，但始終提早鎖定首名出線席位，你又吹佢唔脹。但係另一邊廂，愛華頓就唔同講法，佢哋出線無望兼被大炒，真係羞家。...
對於韋根翼鋒高哥洛夫 (Ryan Colclough) 嚟講，11月21日係佢最忙嘅一日，亦都係最神奇最難忘嘅一日。作為球員，冇乜嘢比起入波同贏波更值得慶祝，高哥洛夫不但做到，連喺球場外都一樣有喜事。 喺英甲第19場比賽，韋根喺主場對唐卡士打，身為前英超球隊嘅韋根，喺上半場30分鐘憑住對手祖...
足球好睇嘅地方，就係不可預料，奇蹟隨時發生。正如名句「波係圓嘅」，人生同足球一樣，永遠唔知下一秒會發生咩事。喺噚晚嘅歐聯分組賽中，西維爾喺半場落後三球俾利物浦嘅情況之下，一口氣連追三球扳平，幾乎可以同利物浦嘅「伊斯坦堡奇蹟」並肩，可惜呢場只係一場分組賽。不過，呢場分組賽對於西維爾主帥貝利素 (Edu...
就算唔睇意甲都知道，拿坡里四人組恩斯治尼、梅頓斯、荷西卡利祖同咸錫喺上季已經發光發熱，特別係恩斯治尼同梅頓斯呢兩位分別只得1.63米同1.69米嘅矮仔喺前面走嚟走去，踼到穿花蝴蝶咁。雖然係咁勁，但意大利之前輸俾瑞典而冇得踼2018世界盃決賽周，主帥雲杜拿喺附加賽兩回合加埋，竟然只係俾咗恩斯治尼14分...
意大利喺2018世界盃外圍賽附加賽不敵瑞典，黯然出局，同時保方等名將都宣佈退出國家隊，更加令今次失利添上遺憾。作為世界盃四屆冠軍，意大利落得今日嘅下場，領軍嘅主帥雲杜拿自然責無旁貸，但冰封三尺絕非一日之寒，背後嘅意大利足總又點會冇責任呢？最近，意大利名宿簡拿華路表示，認為意大利足總所有人都應該辭職，...
英超球隊韋斯咸近排真係唔多掂，回想起兩季之前，佢哋憑皮耶大爆發，以第7位完成2015-16英超球季，但之後搬完球場就有所回落，去到今季，佢哋竟然踼完12場聯賽只得9分，淨係贏過兩場波，十分離譜，暫時排喺聯賽榜第18位降班區位置。佢哋嘅領隊都由曾經口碑唔錯嘅比歷，換成「千古奇冤」莫耶斯，但換帥確實唔係...
香港球迷一定聽過一首網上流行嘅「阿仙奴會歌」，裡面有一句歌詞係「講真足球場上如沒有法明尼，打碌_」，前阿仙奴中場法明尼今年已經33歲，或者已經唔再係以前球場上不可或缺嘅人，但佢真係一個傳奇人物，首先係佢生涯轉過4次球會，竟然累積零轉會費，仲有就係佢近年先透露，自己瞞住家人同隊友，同朋友搞咗一間大企業...
正所謂，烏龍波通常都係靚波，仲記得之前港隊中堅法圖斯喺聯賽射入過「蠍子擺尾」或烏龍球，仲靚到「揚威國際」，誰不知喺一大堆正在外借爭取表現嘅車路士小將中，以下呢位竟然都以呢個另類又不幸嘅方式令世人認識佢。 22歲嘅英格蘭後衛Fankaty Dabo係車路士青訓出品，睇返佢嘅履歷，似乎暫時唔係一...
德甲勁旅多蒙特近期情況非常令人擔憂，佢哋喺今場比賽之前，已經連續四場聯賽不勝，今場賽前再有奧巴美揚因紀律問題，被隊內禁賽嘅負面消息。佢哋喺國際賽期後第一場德甲比賽，出現防線失誤兼射失12碼，最終以2-1不敵史特加，已累積聯賽三連敗及五場不勝。 呢場比賽係德甲第12輪賽事，香港時間11月18日...
早前意大利國家隊喺2018世界盃外圍賽附加賽黯然出局，大家都好記得喺比賽後段，出現咗主帥雲杜拿叫迪羅斯熱身，而迪羅斯發火呢個畫面。其實除咗年紀更大嘅保方同派路係意大利瀟灑型男嘅代表之外，迪羅斯喺呢方面絕對唔遜色，特別係講緊行為上。 1. 怒斥意大利教練 因為意大利出局係國際球壇近排...
喺大約一年之前，巴甲神奇球隊查比高恩斯遇上空難悲劇，當時佢哋啱啱晉身南美球會盃決賽，載住一班球員前往哥倫比亞出戰決賽嘅飛機不幸墜毀，只有3位球員倖存，不過佢哋仍然拒絕賽會提議嘅免降班特權，希望用自己嘅實力喺傷痛中重新振作，就好似佢哋曾經創造奇蹟一樣，佢哋啱啱喺巴甲贏波，提早三輪護級成功，簡直係Mis...
對於球迷嚟講，可以日日見到愛隊嘅球星，甚至入去做嘢，簡直係夢寐以求嘅事，依家機會嚟喇！因為曼聯一隊依家喺網上公開招聘，不過當然啦，這些機會唔係人人有，首先你要有英國工作簽證。 最近，曼聯因為有老臣子退休，有一個職位空缺，呢個職位叫做 Player Care Property Technici...
「外星人」朗拿度一生踼過好多大球會，喺西甲踼過巴塞隆拿、皇家馬德里，喺意甲踼過國際米蘭同AC米蘭，不過喺職業生涯踢過嘅7支球隊入面，令佢情有獨鍾嘅係最後一站嘅哥連泰斯，因為佢近年一直同呢隊波關係密切，不時親身撐場，最近更真情流露，為球隊開心到彈起。身為球迷嘅，好耐冇見到激情四射嘅「大哨」，我都開心埋...
最近講起荷蘭喺世界盃外圍賽出局，大家都驚嘆荷蘭竟然要用返賴恩巴布，呢位當年曾經係荷蘭新一代被寄予厚望，而依家踼緊土超嘅30歲左翼。不過，講返佢嗰一代踼唔起嘅新星，原來我哋都忘記咗一個人，佢就係踢過皇馬嘅德倫特 (Royston Drenthe，有線譯迪倫菲)。 想當年，德倫特同賴恩巴布一齊出...
曾經嘅英格蘭金童奧雲，本來喺利物浦集萬千寵愛在一身，為利記入咗118球，如果冇咩差錯嘅話，叫佢做利物浦名宿都冇咩人會反對，點知去到職業生涯晚期，佢竟然犯下大忌，加盟紅軍死敵曼聯，唔少利迷都依家仲嬲緊，唔肯認佢做「利物浦名宿」，甚至有球迷諷刺咁叫佢做「曼聯名宿」。 本來呢啲嘢唔講幾年就忘記咗，...
「小魔獸」盧卡古最近喺曼聯嘅表現有少少迷失，雖然話佢暫時喺英超11場入咗7球，但佢上一之為曼聯入波已經係9月30號對水晶宮嗰陣，不過佢今個國際賽期返到比利時國家隊，兩場入咗三球，更加成為咗國家隊歷史神射手，唔知會唔會幫佢喺曼聯重拾勇態呢？ 喺曼聯各項賽事近七場入面，盧卡古都唔能夠取得入球，陷...
利物浦名宿加歷查雖然喺紅軍好受尊重，但其實佢份人都可以好搞笑，例如佢當年有「烏龍王」嘅花名，結果佢喺自己嘅退休紀念賽，專登輸個12碼，然後搶喺對手起腳之前，自己操刀射入自己龍門，之後觀眾先知原來佢係專登搞場大龍鳳嚟自嘲，喺退休紀念賽都要入烏龍波。最近，加歷查又有新搞作，佢同曼聯92班合作踼表演賽，「...