《整場計般尼茅夫就係守得穩攻得準》 般尼茅夫全場僅得三成控球，但卻有十腳射門四次中框入三球，射門轉化入球率極高，一係就唔埋門，一埋門就入波。不得不讚蘇蘭基係門前把握力好，亦讚佢今場係前場停波做得相當不俗，特別係對住梳爾果陣，身型上佔到甜頭，不過對住麥佳亞就冇乜著數啦。頭兩球入波都係曼聯球員係中後場唔...
《車仔同紐記卡素既分野都幾大》 車路士今場用4-2-3-1，係高位逼搶上都係選擇用單箭頭去壓逼一對中堅加龍門。有別於紐卡素，佢地會推前其中一個中場形成雙箭頭係高位，透過係前場加多一點，令曼聯後場難以從後組織。除左前場擺既人手少左之外，球員逼搶既一致性都係車紐既分別。紐卡素要逼既時候係毫無保留，唔怕暴...
《紐卡素成隊實而不華》 曼聯作客聖占士公園就不嬲都好難踢，特別係中場要應付對面條絞肉機中場（甘馬雷斯、祖寧頓同美利）。今場輸一球都可以話係意料之內。留意下對手係進攻用波，中場分工係好清楚，甘馬雷斯負責控制節奏，祖寧頓前插，美利則駁腳為主，有時逗後少少等甘馬雷斯後上。整隊以邊線側擊為主，先靠邊路進攻，...
《上半場好學界feel》 上半場雖然比數上係以二比一領先對手，但論表現黎講，我覺得曼聯下半場踢得比上半場好。上半場果隻skip中場式踢法，踢落好有學界味道。後場被人逼，或者般奴拎到波，就放長傳直接扔俾兩翼哨，哨到一對一就憑自己去推去爆，然後般奴同麥湯就跑前接應。我既感覺係前有前踢，後有後踢。安拉拔就...
曼聯憑加拿祖既世紀倒掛、華舒福既十二碼，加埋馬斯亞冷靜既單刀，擺脫近期煲魚生粥既特色，作客以三比零擊敗近況不俗既愛華頓。環顧整場戰況，曼聯場面上係非常被動。上半場除左入波前踢得較主動外，餘下既半場都係受壓。幸好，安拿拿表現出色，亦有明奴既護空門，曼聯先頂得住唔失波。下半場係未有12碼入之前，亦係踢得...
領隊可以用戰術教球員從後場build-up到前場，但去到前場點樣入波點樣走位，就要靠球員自己。曼聯今場就係做到前面既野，但做唔到後面既野。今場盧頓全隊縮後，所以曼聯後場好容易就可以用波前壓。去到前場區域，坦夏都明顯要求主打兩翼側擊，麥湯插入禁區，等凱倫唔駛孤軍作戰，般奴係禁區外捕位遠射。左翼加拿祖聯...
《上半場表現係咁多場之中接近最好》 坦夏今場改踢4-2-3-1，整隊進攻改以兩翼側擊為主。後場控球極有耐性，亦唔會亂放長傳俾前場球員哨，嘗試對手上黎逼，等機會打穿對方前鋒線防守，搵到艾歷臣等佢較炮。如睇番未打少一個前既數據，曼聯既傳送次數同控球率都必定俾對手多。如果只睇戰況，曼聯上半場既表現我認為係...
先講下富咸，呢場波整隊係個防守部署上做得非常好，基本上曼聯係創造唔到任何黃金機會埋門。唯獨輸果一球係個解圍處理上唔得清脆，竟然踢番個波入中路。仲要經過一大輪波子機俾般奴係禁區執到再射入，輸得係幾不明不白。進攻上依靠兩翼側擊同打反擊為主，機會上仲比曼聯多，不過始終球員埋門既質素仍有改善空間。呢場對富咸...
坦夏今場跟上場聯賽盃一樣，照舊起用大量副選，陣中只保留安拿拿、達洛特、卡斯美路同安東尼，小將漢尼換同加拿祖一齊正選上陣，拍住馬斯亞、曼治一齊踢中前場，麥佳亞同連迪路夫加埋列古朗鎮守防線；紐卡素就仲誇張，十一個正選只有祖寧頓同哥頓會係常規正選，其餘九人都係後備。今場唔太想做甚麼戰術分析，純粹想大概講下...
曼聯上場主場輸比曼城後，要求主帥坦夏落台既聲音又甚囂塵上。係討論佢是否應該會被炒之前，小弟想同大家先睇下利物浦高普同阿仙奴阿迪達既情況，再去分析究竟坦夏應否落台！（討論呢樣之前首先要拎開管理層問題） 阿迪達由2019年12月20加入阿仙奴做領隊，19/20年度買既人係當時艾美利要買既，所以果年...
《正選陣用艾歷臣就知死硬》 坦夏今場係正選陣容作出左幾個變動，先抽起華拉尼，用麥佳亞拍伊雲斯作中路屏障。如果華拉尼有傷，呢個變動都叫情有可原。左閘起用連迪路夫，相信係列古朗防守實在太弱，加上剛傷癒未有態下，呢個位都只能咁揀。咁既然你用得呢條防線，後場速度唔高，用波能力差，咁索性放棄前場高位壓迫，專心...
曼市打吡（賽前分析-曼聯對曼城） 曼城近排既成績比較波動，近四場本土賽事係缺少中場洛迪既情況下，三場都輸晒，而上場對白禮頓有佢既情況，則贏二比一，而歐聯賽事亦都順利擊敗年青人同萊比錫，可見球隊係缺少迪布尼下，洛迪絕對係不可或缺。今場打吡戰除左迪布尼因傷缺陣外，艾簡治亦會停賽，不過曼城中堅兵源之多就...
賽前曼聯兩場歐洲賽事全敗得零分，如果要爭歐聯出線席位，呢場係必須要贏，和都好大機會只可以爭歐霸。曼聯憑麥佳亞既頭鎚建功，加上安拿拿係最後階段撲走十二碼，兩個今季流量密碼人物成功幫曼聯拎到極重要既三分。 《坦夏出人心態已經係運財童子先行》 曼聯近況反勝賓福特再贏錫菲聯，兩場波都係踢得唔好但贏到，所以...
＜曼聯正選陣容＞ 雖然華拉尼復出，但坦克今場照舊起用麥佳亞拍伊雲斯，左閘則交俾連迪路夫踢。戰術上嘗試推前達洛治進攻，縮連迪路夫形成三中堅。因上場麥湯文尼梅開二度，逼使坦克今場收起曼治而改用佢踢正選，般奴繼續係佢隔離支援。基於進攻踢3-1-6，所以一開波會見到安拉拔留守中圈，般奴同麥湯都企得較前既位置...
《從正選陣容睇坦克想法》 門將安拿拿繼續把守最後一關，相信坦克係想佢呢場波拎番信心，始終賓福特攻力唔算強。後防傷兵名單又多一個，華拉尼因傷「又」要休息，冇辦法下唯有起用伊雲斯拍麥佳亞。右閘起用達洛治；左閘則用連迪路夫。唔將兩者調轉既原因之一相信係坦克想利用達洛治係右路為球隊提供闊度，連迪路夫則可以形...
《正選陣容同戰術都有改變》 呢場正選陣容同小弟預測既非常接近，只有海倫繼續踢正選而非起用馬斯亞。門將連後防都冇變。中場起用左漢尼拔取代上場係右路建樹不多既柏利斯迪，同時間亦將般奴費南迪斯改踢右翼，希望佢可以係右路幫到球隊推進，其他中前場球員照上場對水晶宮一樣。雖然人腳只係變動左一個，但係進攻戰術都有...
加拉塔沙雷近六場賽事五勝一和，和波果場係歐聯分組賽主場對哥本哈根。從賽果睇近況睇得出隊波狀態不俗。隊中亦不乏猛將，門將有梅斯利拿；後防有山齊士同安祖連奴；中場有托尼拉同尼當比利；前場則有韋費特沙夏、薛耶治同伊卡迪，牌面睇落絕對唔差。今場作客面對住哀兵曼聯，絕對有能力贏波而回。 曼聯上場聯賽主場以零...
曼聯主場再戰水晶宮。水晶宮今場出番主力下，實力同上場聯賽盃陣容完全係兩回事。加上鶴臣吸取上場教訓，係中低位防守時明顯有相對應部署限制曼聯後場出球，令到曼聯係後場空有控球權但極難創造到具威脅既傳球。水晶宮上半場憑出色防守令曼聯只得一次中框射門，更憑一次死球攻勢入球；下半場繼續貫徹防守，門將莊士東亦撲出...
鶴臣上場收起大部分主力球員，讓賽下以零比三不敵曼聯，成功令自己係聯賽盃出局，可以專心聯賽護級。輸波都係預左，但呢場輸波可以令到鶴臣睇到用4-4-2中低位防守去應付呢隊曼聯未必有用。今場番到黎聯賽，首先鶴臣一定會用番主力迎戰，艾度亞、艾斯、基耶、韋曉士等正選都會悉數上場；另外，如何指示中前場球員應對番...
《後備鬥後備？實力差得遠》 水晶宮今場大幅度輪換球員，整條防線連門將都差唔多全換，只得左閘米曹係常規正選。防守中場亦用左大號碼列特華（44號）取代左韋曉士或利馬。前線孖寶艾斯同艾度亞亦放左係後備席，只有常規正選舒諾普同艾耶列入正選陣容。鶴臣睇黎想留力下場聯賽搶分，或者佢覺得坦克會出後備黎踢，就實行黎...