CFC 的搜尋結果

車路士今夏嘅門將位置，可以話係風起雲湧。上一篇文我有講過，隨住柏祖域嘅前途變得不明朗，加上球會似乎放棄追逐大牌目標，我哋一度以為會喺龍門位置有大變動，但睇黎暫時仲要食下驚風散俾山齊士嚇多季。喺呢個充滿變數嘅時刻，或者真正嘅答案，一早就已經喺我哋陣中。佢，就係我哋喺今個夏天正式簽入，被譽為「新古圖斯」嘅19歲比利時天才門將彭達斯 (Mike P...

一場令人無言以對嘅敗仗。今場波完美演繹咗咩叫「墨菲定律」：凡係可能出錯的事情，就一定會出錯。由開波僅4分鐘龍門山齊士（Robert Sánchez）腳軟派膠，到右路防線被當成「放題」咁任人魚肉，再到「戰術天才」尼古拉斯積臣（Nicolas Jackson）後備上陣4分鐘就貢獻小丑式紅牌……每一個災難時刻，都好似劇本預先寫好一樣，準時喺全球車迷...

當迪布尼 (Kevin De Bruyne) 抵達拿坡里，被成千上萬嘅球迷瘋狂簇擁嘅畫面傳出 ，意味住呢位效力曼城近十年、統治咗英超中場嘅傳奇，終於要同英超球迷講再見。作為一個車迷，睇住呢一幕，心情可以話係五味雜陳，甚至有啲矛盾。 一方面，理智話我知，英超終於少咗一個最恐怖嘅對手。我哋後防唔使再提心吊膽佢嗰啲完全唔講理、無視幾何學嘅致命傳中...

車路士球迷最近最期待嘅，應該就係傳聞中即將加盟嘅17歲巴西天才二安——艾斯特禾（Estêvão Willian）。不過，興奮還興奮，最近喺網上睇到一句留言，真係講中唔少球迷心底嘅憂慮：「反正都未輪到佢上，同佢同期早佢一年上位皇馬嗰件Endrick而家消失埋...」 消失，呢個詞用得好重，但又好似道出咗殘酷嘅現實。近十年，我哋見過太多南美神童...

六月中旬，歐洲各大聯賽塵埃落定，球迷嘅目光自然轉向夏季轉會窗。但對於我哋車路士嚟講，今個夏天嘅操作，似乎有啲雷聲大雨點小。雖然有簽入戴納同買左艾素高，但其餘位置上的補強實質性嘅進展並唔多。從各種傳聞睇嚟，球會今夏嘅策略更似一場「慢火煎魚 (slow burn)」，好多潛在嘅交易都環環相扣，牽一髮而動全身。 要理解呢盤棋點樣捉，我哋必須要先拆...

經歷咗一個跌宕起伏嘅球季，我哋車路士喺新帥馬蛇帶領下，總算有交代——重返前四殺入歐聯，仲要捧埋個歐協聯冠軍，成績上絕對合格有餘。但喺一片慶祝聲之中，有一個位置嘅表現，依然令唔少球迷又愛又恨。冇錯，我講緊嘅就係我哋嘅一號門將山齊士。 喺馬蛇嘅傳控體系下，佢到底係一個被低估嘅功臣，定係一個隨時會爆炸嘅計時炸彈？佢嗰時好時壞嘅表現，究竟係進步緊嘅...

6月16日上演嘅世冠盃D組首戰，車仔憑住尼圖同安素上下半場各建一功，以2：0擊敗美職嘅FC洛杉磯，順利旗開得勝 。 不過，比起一場意料中嘅勝利，今場波更多嘅討論點反而係喺場外：比賽喺一個入場率不足三成 (只有2萬個觀眾) 嘅「半空」球場舉行 ，氣氛詭異，我哋舊將基奧特更因為冇波衫著，搞到下半場要延遲開波，成件事充滿住一種騎呢嘅感覺 。但喺一...

作為車迷，過去一兩季睇波，難免會有啲勞氣。鬧完領隊，鬧完球員，有時甚至會將矛頭指向新班主保利財團。但每當我哋抬起頭，望下我哋嘅死敵曼聯，睇下佢哋球迷所面對嘅班主困局，一個問題就會油然而生：喺最核心嘅球會管治問題上，我哋係咪其實已經算係幸運？ 最近出版嘅新書《Sanctioned》，就更深入咁揭示咗油王艾巴莫域治 (Roman Abramov...

提起馬杜基，你會諗起啲咩印象？ 邊路盤扭？獨食？ 佢，無疑係球隊中最耀眼亦最具爭議性嘅星光之一。呢位喺球季開始時年僅22歲嘅英格蘭快翼，憑住佢賴以成名嘅爆發性速度同華麗盤帶，本應喺馬蛇麾下奏響一段段激昂嘅「邊路狂想曲」。球迷們對佢嘅期望，自然係能夠更上一層樓，鞏固主力位置，持續兌現其「潛力無限」嘅天賦。 但今季馬杜基嘅個人演出卻好似一場「...

「車路士用5,800萬鎊買咗個玻璃人返嚟？」——呢句說話，喺2023/24球季幾乎成為咗唔少車迷對拉維亞（Roméo Lavia）嘅唯一印象。經歷咗一個幾乎整季報銷、只係喺英超上陣過1場嘅災難性開局之後，呢位比利時天才中場，喺24/25球季終於千呼萬喚始出來，迎嚟佢真正意義上嘅「藍軍處子賽季」。 喺新帥馬蛇（Enzo Maresca）手下，...

如果話A至C組係經典戲碼嘅前菜，咁E至H組就係一場無法預測嘅主菜，充滿住權力真空同埋風暴前夕嘅火藥味。 呢度，我哋睇到嘅唔再只係實力嘅對碰，而係一個個巨大嘅問號：當幾支冠軍級球隊不約而同陷入「換帥風暴」，究竟係危機定係轉機？當沙比阿朗素 (Xabi Alonso) 嘅「皇馬3.0」迎來首航，佢哋面對嘅會係掌聲定係暗礁？當沙特嘅金元足球遇上南...

瑞典神鋒基奧基利斯（Viktor Gyökeres）最近一個喺社交媒體上嘅小動作，就足以令整個轉會市場暗流洶湧。佢將自己嘅Instagram個人簡介，由原來嘅「士砵亭及瑞典球員」，改成咗一個極簡而充滿暗示嘅詞——「運動員」。 呢個舉動，無異於一份公開聲明，亦係佢同士砵亭、以及潛在買家曼聯之間，呢場三方博弈嘅最新信號彈。究竟基奧基利斯點解要咁...

隨著國際球壇進入2025年盛夏，一項全新嘅賽事正蓄勢待發，準備重塑世界球會足球嘅權力版圖——擴軍至32隊嘅新版世冠盃。呢個唔再係以往歐洲南美冠軍嘅二人轉，而係一個真正匯聚六大洲豪門嘅大舞台，充滿未知數嘅戰術對碰同埋新舊勢力嘅正面交鋒。 今次，我哋【球壇風向室】將會一連兩篇，為大家深入剖析各組形勢。第一部分，我哋將聚焦於A、B、C三個分組，睇...

首先要澄清，我話佢存在感係零，意思係正面而唔係負面。托辛·阿達拉比奧尤就係咁樣一個球員：佢唔會係俾人Cut出幾十條球皇片的主角，甚至我知道我為佢寫一篇季後分析，流量同點的人唔會多得去邊。然而托辛就係嗰種令你舒服嘅後衛。 如果你唔介意，請留係度用幾分鐘時間睇下佢今季的成績表。 新面孔的期待與壓力 托辛加盟車仔嘅背景相當低調，佢合約期滿離...

最近，一本關於我哋球會易手內幕嘅新書《Sanctioned》出版，除咗有前老闆艾巴莫域治嘅罕有專訪，更爆出一段關於曼聯現任股東、英國首富拉傑夫爵士 (Sir Jim Ratcliffe)，Well，我叫佢做占蛇——喺2022年試圖收購我哋時嘅驚人「趣聞」。 呢段故事之所以值得我哋今日拎返出嚟講，並唔係單純為咗「抽水」或者恥笑曼聯之類。而係因...

當卡些度 (Moisés Caicedo) 以破紀錄嘅一億鎊身價降臨史丹福橋，球迷嘅目光同期望，無疑都聚焦喺呢位厄瓜多爾年輕中場身上。佢被寄予厚望，唔單止要填補簡迪 (N'Golo Kanté) 離開後留下嘅屏障空缺，更要成為車路士中場未來十年嘅核心。經過一個完整嘅24/25球季洗禮，卡些度究竟係咪已經兌現咗身上億元先生嘅承諾？佢喺新帥馬蛇嘅...

最近車路士中場安素（Enzo Fernández）嘅女友 Valentina 接受家鄉阿根廷媒體訪問，大方分享去年同安素由分手到復合嘅心路歷程，即刻成為球迷圈熱話。呢單花生新聞，除咗滿足我哋嘅八卦慾之外，亦都重新燃起咗一個廣泛流傳嘅「都市傳說」。 唔知你又有冇呢種感覺？好多車迷憑直覺都覺得，安素自從舊年10月同女友分手之後，喺球場上好似解開...

呢一篇，無數據，無花生，就只係純粹的情感。 時間嘅塵埃，有時我哋以為已經落定。但對於好多車路士球迷嚟講，「油王」阿巴莫域治嘅故事，就係心裡面一個佔咗好多位置嘅角落。我哋都知，嗰個屬於佢嘅時代，其實早已經喺2022年倉促咁結束。 但總有啲倔強嘅希望，好似幽靈咁喺史丹福橋徘徊，期待住一個冇可能發生嘅奇蹟。 直到最近一本新書入面，傳嚟咗佢本人...

捧起歐協聯獎盃，為馬蛇 (Enzo Maresca) 嘅首季畫上一個圓滿句號，但車路士嘅2024/25賽季其實仲未完結。真正嘅學期尾考試，係即將喺美國上演嘅新版世冠盃。我哋被分入D組，同組有巴甲勁旅法林明高、突尼西亞冠軍艾斯柏蘭斯，同埋美職嘅FC洛杉磯。 表面睇，呢組似乎係我哋同法林明高嘅「雙雄會」，爭奪首名出線資格。但足球係圓嘅，尤其喺呢...

車路士官宣，正式簽入我哋姊妹球會史特拉斯堡嘅19歲法國中堅——馬馬度沙亞 (Mamadou Sarr)，成為今夏最新嘅收購之一 。佢亦都係BlueCo入主以嚟，第一個由史特拉斯堡直接「升班」上嚟車仔嘅球員 。但官宣post下面，相信唔少車迷心裡面同我一樣，都係浮現出同一個問題：「Who？？」 無他嘅，講起沙亞 (Sarr) 呢個姓，大...