車迷觀點 的搜尋結果

喺啱啱過去嘅週末，我哋主場對利物浦場波，去到下半場後段，一個等到球迷頸都長嘅身影終於出現：古爾 (Marc Guiu)。最抵死嘅係，再次出現嘅佢，個樣竟然成熟咗唔少，仲留埋鬚，唔講仲以為佢真係俾球會「雪」到連鬚都出埋。 由前鋒荒下嘅救駕式召回，到後備席上嘅無限輪迴；由歐聯寧願派翼鋒佐治頂硬上，都唔俾佢一分鐘嘅奇怪調動，成件事根本就係一個巨型...

今年夏天，當我哋用三千萬鎊由葉士域治簽入22歲嘅前鋒戴納嗰陣，好多球迷都寄予厚望，再一次認為佢可能係我哋尋覓多年嘅答案。但故仔嘅開頭，總是驚人地相似。聯賽開始無耐，一紙傷病報告就為呢段旅程蒙上陰影：腿筋受傷，預計要缺陣10至12個禮拜。 對我哋呢班睇咗車仔十幾廿年嘅球迷嚟講，呢一幕，唔只係一個新兵嘅不幸，更加係一次令人不安、充滿「既視感」嘅...

仲有兩日唔夠，我哋就要喺主場迎戰利物浦。大戰當前，本身已經夠緊張，點知英超官方送多份「驚喜」俾我哋：今場嘅執法球證，就係安東尼 泰萊（Anthony Taylor）。 相信所有車迷，無論新定舊，一見到呢個名，血壓都會即刻飆升。無論係爭議性紅牌，到各種雞毛蒜皮嘅不利判決，我哋喺佢手下瀨嘢嘅黑歷史，真係一匹布咁長。 正當我喺度絕望到想搵定速效...

好啦，我認衰仔。或者係我上季開心得太早。 上季季尾，我先後寫過幾篇文，吹奏我哋點樣改革醫療部門、點樣用「科學戰勝玄學」，以為我哋終於擺脫咗「傷追人」嘅魔咒。（有興趣嘅朋友可以喺我哋專頁搵返【幕後英雄EP4】同【醫療部門由治及興】兩篇文） 點知，新球季只係踢咗個幾月，現實就狠狠咁摑咗我幾巴，打到我塊面腫晒。打開我哋個傷兵名單，個 List ...

唔講對白禮頓場波，講早少少，車仔作客奧脫福，全場焦點都落喺一位倒戈嘅球員身上：加拿祖（Alejandro Garnacho）。 睇完成場波，唔知大家對佢坐係場邊有咩感想？相信大家都會同意，比起佢呢90分鐘嘅表現，佢點樣由一個曼聯青訓希望，喺短短三星期內，變成我哋車路士球員嘅呢段峰迴路轉嘅轉會故事，其實更加令人好奇。 呢單轉會，唔係一單普通...

The Athletic 刊登咗一篇好有份量嘅分析文章，用一個叫「陣容流失率」（squad churn）嘅數據，向我哋球會過去三年嘅建隊策略，提出咗一個好尖銳嘅質疑。 呢篇文章，嚟得非常合時。因為喺我哋經歷緊聯賽兩連敗、歐聯輸俾拜仁、後防傷兵滿營，仲要即將面對利物浦，球迷嘅信心可以話係跌到落谷底。人心惶惶之際，「我哋條路係咪行錯咗？」呢個問...

喺上一篇【車迷觀點】，我哋探討過史特拉斯堡球迷嘅「靈魂吶喊」，問到衛星球會模式究竟係「蜜糖定毒藥」。（未睇嘅朋友，強烈建議喺我哋專頁搵返上集睇下先，咁樣會更加跟得上個故仔，連結係度：HERE） 當時我哋仲係講緊「吶喊」、講緊「抗議」，以為只係球迷同管理層之間嘅矛盾。但喺過去呢一個禮拜，最新嘅發展話俾我哋知，事件已經完全失控，由一場單純嘅抗議...

琴晚作客奧脫福輸 2-1 呢場波，相信好多車迷同我一樣，睇完係一肚火，成晚都瞓唔著。我果篇「賽後報告」，已經好詳盡咁分析咗今場波由球員到教練嘅種種失誤，將佢定性為一場冇藉口嘅「人禍」。應該可以證明咗大家心入面嗰份憤怒，我完全感同身受。 但喺憤怒過後，當我哋冷靜落嚟，或者可以問多一個問題：喺山齊士開波5分鐘就攞紅牌嘅一刻，呢場波，仲係咪一場正...

最近一次記者會，有記者問馬蛇，史達寧（Sterling）同迪沙斯（Disasi）仲有冇機會返一隊，馬蛇諗都唔諗，就斬釘截鐵咁答：「不了謝謝。」另一邊廂，史達寧就喺自己 IG，Post 咗一張夜晚八點幾，仲喺葛咸（Cobham）訓練基地自己加操嘅相。 呢啲唔係說話，而係畫面，描繪出一幅球會同兩位高薪球員之間，正在進行嘅「無聲對抗」。 呢場喺...

上星期法國史特拉斯堡嘅梅納烏球場，上演咗現代足球中最弔詭嘅一幕。球隊隊長艾美加（Emanuel Emegha），喺賽前接受主場球迷嘅歡呼，領取佢嘅月度最佳球員獎項。但迎接佢嘅，並唔係全然嘅掌聲，而係響亮嘅噓聲，同埋一幅刺眼嘅橫額，上面寫住：「艾美加，BlueCo的棋子。換了球衣後，交還你的隊長臂章。」 事件嘅導火線，係幾日前官方發佈嘅一張相...

正當車迷已經忘記咗梅迪歷（Mudryk）因為禁藥Meldonium而被長期停賽嘅事，一個嚟自烏克蘭記者嘅驚天爆料又將成件事再拖返出嚟，仲由一單普通嘅體育新聞，徹底升級為一場荒誕離奇、牽涉極廣嘅驚天奇案。 呢場戲嘅主角，唔再只係梅迪歷一個人。 最新嘅演員名單包括：嬲到震嘅前球會薩克達（Shakhtar Donetsk）同佢哋筆三千萬歐元嘅潛在...

呢個國際賽期，除咗擔心班主力嘅身體狀況，我哋車迷圈仲熱烈討論緊一單傳聞：我哋嘅班主 BlueCo，據報有意收購巴甲傳統勁旅山度士（Santos FC）。 呢單傳聞嘅始作俑者，係一位叫 Lucas Musetti Perazolli 嘅巴西記者。之後，消息就主要係靠一啲足球新聞 ggregator 同球迷媒體喺度傳，冇乜大型嘅權威財經媒體跟進...

喺上季季尾，我哋寫過一篇【季後分析】，深入拆解過我哋死球部門喺 24/25 球季「雷聲大雨點小」嘅問題，結論係戰術理念同球員執行力出現嚴重脫節。（有興趣睇返嘅朋友，可以Click呢度：連結） 嚟到新球季，我知道，聯賽只係踢咗三場波，而家就拎數據出嚟講死球，肯定會有球迷朋友話我：「又想燈？不如話我哋全季不敗啦！」 你講得冇錯，三場波嘅 sa...

香港時間星期四（9月11日）傍晚，相信唔少車迷同我一樣，放工都未返到屋企，個電話就收到訊息：英格蘭足總（The FA）突然投下一個超級震撼彈，正式向我哋車路士，提出足足 74 項指控！ 呢啲指控，全部都係關於油王阿巴莫域治（Abramovich）時代（2009-2022）嘅事，主要集中喺經理人、中介、同埋第三方投資果啲黑箱作業式嘅違規操作。...

九月國際賽期，對我哋呢啲球會球迷嚟講，心情總係好矛盾。一方面想睇下自己球員喺國家隊可唔可以發光發亮，另一方面又好似老豆老母咁，日日求神拜佛，驚佢哋受傷，驚佢哋帶住一身疲倦返嚟。但今次，我哋嘅擔心，唔再只係普通嘅「FIFA病毒」，而係一個更具體、更有科學根據嘅「隱形炸彈」。 車仔有三位巴西主力：祖奧柏度（João Pedro）、二安艾斯特禾（...

轉會窗閂，以為積臣（Jackson）單嘢已經告一段落。點知，佢個經理人卡馬拉（Kamara）喺國際賽期，突然喺IG出咗個post，話「好多人講嘢但冇幾個講真話」，仲留低一句「其他嘢遲啲先處理」。嘩，呢個「下集預告」一出，即刻又勾起我哋班花生友嘅興趣。 積臣嘅離隊，對我哋嚟講，本應係一單解決 FFP 問題、陣容換血嘅正常操作。但睇返成件事嘅發...

而家轉會窗關咗三個禮拜，頭幾場聯賽波都打完咗，係時候冷靜檢視一下我哋夏天嘅功課做成點。望住張成績表，支出 €3.28 億，收入 €3.32 億，盤數上竟然做到有錢賺，喺 PSR 條紅線愈收愈緊加上UEFA開咗罰單嘅今日，單講盤數，管理層絕對係 A+ 級嘅財技表演。 但作為球迷，我哋嘅心情就好似坐過山車。一方面，見到球會買人有清晰嘅戰術思路，...

英超開季三場，兩勝一和，袋住七分，排緊喺聯賽榜前列。如果齋睇個排名，我哋車路士今季嘅開局，可以話係相當唔錯，分分鐘唔少車迷已經J到出血送咗去醫院。 但相信有睇足三場波嘅球迷，心裡面可能同我一樣，都有少少忐忑。個感覺就係，我哋好似贏得唔係好實在，考慮埋對手實力有啲位又好似好驚險。究竟，我哋而家呢個「強隊」嘅形象，係真材實料，定係只係一個呃到人...

轉會窗關閉前夕，總係會上演最精彩嘅戲碼。而過去呢個週末，我哋車路士嘅前鋒積臣（Nicolas Jackson），就為我哋主演咗一場峰迴路轉、花生指數爆燈分嘅轉會鬧劇。 由最初幾乎官宣加盟拜仁，到因為戴納（Delap）受傷而被我哋緊急叫停，再到傳出佢「抗命」拒絕回歸，最後，喺大部分人都以為交易告吹之際，竟然喺死線前一刻，奇蹟咁「復活」，仲要係...

上個週末車路士對富咸場波，嗰個被吹走嘅入球，賽後嘅發展，比場波本身更加精彩。 先係富咸領隊施華（Marco Silva）怒氣沖沖咁投訴，話個判決「難以置信」；跟住，球證主管侯活·韋比（Howard Webb）竟然真係打電話去富咸道歉，承認出錯；到最後，當值嘅VAR球證索爾茲伯里（Michael Salisbury），更加直接被降職，取消咗佢...