車迷觀點 的搜尋結果

岩岩睇完隔離專欄果篇關於施曼尤 (Antoine Semenyo) 嘅分析，話車路士「縮沙」係因為鋒線夠人、唔需要佢。睇完，沉澱一下，然後覺得內文太短，唔多夠喉。 作為車迷，我情感上好想同意佢篇文嘅內容，好想話「係囉，我哋有加拿祖同基頓斯就夠」。但，睇完維拉場波……嗯………我決定要用自己嘅文字寫下。當然，口講無憑，今篇車迷觀點，就嚟一個意見...

有網友話想我寫下占士，畢竟最近嘅占士真係 Fit 到漏油，連續幾場都無穿無爛上陣之餘，仲要踢足 90 分鐘。自由球入波、右閘位置掃到入防中、後上助攻又有...彷彿當年嗰個右路坦克終於返嚟。 見到隊長咁勁，我估唔少車迷都忍唔住大嗌：「世一右閘歸位！」 但我作為一個睇住佢由青訓出道睇到依家嘅老屎忽，開心之餘，心裡面始終有一絲隱憂。 所以，就算...

車仔球迷，成日都話自己球員好多傷，但我估其他球迷都會話：「挑，而家得你哋傷咩？」，的確，打橫嚟睇又的確好似隊隊都有傷咁。 但最近，保險業界權威 Howden Group 發布咗一份名為 《2024/25 歐洲足球傷病指數》 嘅重磅報告。Howden 係咩料？簡單講，佢哋係全球頂級嘅保險經紀集團，專門幫球會、聯賽同球員搞保險同風險管理。 即...

話說，早幾日見到一單令所有車迷眼濕濕嘅新聞：泰亞高施華 (CWA) 正式同富明尼斯解約，回復自由身。 據報，佢之所以同母會提前分手，唔係因為踢唔掂，而係因為想返倫敦陪屋企人（佢大仔 Isago 仲喺我哋青訓踢緊），同埋想搵個頂級聯賽落腳，保持狀態衝擊 2026 世界盃。 當大家都以為劇本係為車路士度身訂造，甚至我呢篇「回家文」都寫好晒準備...

就快踏入 1 月轉會窗，又係各路「傳聞大神」發功嘅時候。正當大家睇到眼花撩亂，一時話要買呢個神童，一時話要搶嗰個球星，我哋車路士嘅御用 Tier 1 記者 Matt Law 琴日就出咗篇文，一盤冷水照頭淋落嚟。 Matt Law 嘅標題好直白：「車路士預計一月唔會活躍 (Not expected to be active)」。 吓？唔係掛...

寫在前頭，我唔係想引起任何罵戰，呢篇文由頭到尾都係抱住「提出另一種觀點」嘅角度去寫。 因為最近見到坊間有篇文章狠批加拿祖，話佢去到車路士依然係個敗家仔，仲攞曼聯新援麥比奧莫 (Bryan Mbeumo) 嘅高效率嚟做對比，結論係「曼聯甩難，車仔接火棒」。 無可否認，睇完對愛華頓嗰場，加拿祖錯失 3 次黃金機會，我諗作為車迷見到佢射失都會嘆...

琴晚史丹福橋，車路士 2-0 贏咗愛華頓。彭馬打破入球荒、古斯圖一入波一助攻，終止咗球隊四場不勝嘅頹勢。正常嚟講，領隊賽後應該笑容滿面，讚下球員、講下戰術。但馬蛇選擇咗做「新聞主角」。佢喺記者會無端端爆咗一句令全場記者都 O 嘴嘅說話： "Since I joined the club, the last 48 hours have bee...

關於車路士面臨英足總 (FA) 74 項指控呢單野，相信大家都唔陌生。事隔幾個月，今日英國權威媒體《The Times》首席記者 Martyn Ziegler 爆出獨家猛料：針對車路士嘅紀律聽證會，將會喺今個星期正式結束。 雖然判決結果未咁快有（判決日期待定），但報導入面披露咗兩個足以令車迷「嘩」一聲嘅內幕細節。一個關乎我哋傳奇夏薩特點解會...

上星期車仔對般尼一役，雖然 3 分已袋，但賽後討論區嘅火藥味仲濃過球場。焦點全落喺剛傷愈復出嘅戴納身上。 有網友狠批佢「控球甩腳」、「傳中俾龍門」，質疑佢連基本功都欠奉；當然亦有人覺得要睇整體戰術，唔可以單睇個人失誤。(當然，週中對巴塞時戴納入波又係另一回事啦) 與此同時，外國車迷圈流傳緊一個好精警嘅比喻：積臣係房車，戴納係泥頭車/推土機。...

上一篇我哋講完今季嘅「德甲水貨四俠」，即刻就有網友喺下面問：「車仔多年一直都有德甲水貨，傳統嚟啦。反而想知有邊幾個德甲過嚟而大家一齊拍爛手掌呀？」。 的確，感覺上，德甲稅特別鍾意向我哋車仔收？唔講仲以為我哋嘅球探部門，喺德國買人方面有本專業炒車指南。而為咗解答呢個問題，我哋就根據一份詳盡嘅22年研究報告，做一次「驗屍」。 不過戴返個頭盔先...

今日我呢個足球專欄唔講咁多足球，講棒球。不過，一樣會講到車仔，可以耐心睇下我寫乜。 早幾星期，洛杉磯道奇（LA Dodgers）又再贏咗世界大賽冠軍 (你想像下係棒球界嘅歐聯)，幾乎全個體育界都洗緊版。當大家睇住大谷翔平係球場噴香檳嘅時候，部份識嘢嘅車迷心情可能係會有少少複雜。 點解？上一篇文我有講到，因為道奇個老細叫 Todd Boeh...

新鮮滾熱辣出爐嘅課金內容，當然係雅俗共賞，有好嘢齊齊分享。丫，不過如果你唔鍾意睇訪問類型嘅文章，咁下文就大概同你無乜關係啦。 話說車仔個老闆 Todd Boehly（牙 Todd），自從早排退居幕後，將車仔管理權交返俾拍檔 Eghbali 之後，都靜咗一排無出聲。對於唔睇棒球嘅車迷嚟講，可能唔知佢最近搞緊咩。其實，佢另一隻有份投資嘅棒球界巨...

最近睇到泰利個訪問，佢回憶返當年油王（Roman Abramovich）剛剛入主嗰陣，見到我哋舊訓練基地 Harlington 嘅第一反應，佢話油王一入嚟第一句就係：「No，我哋唔會再喺度練波。」，甚至泰利自己都形容最早嘅訓練場係「Shithole」。 聽完泰利咁講，我自己都「誒」咗一聲。作為車迷，我日日都講葛咸訓練營點點點，又成日都睇班U...

講明先，唔係針對積臣，單純係網友講起我又得閒先寫…絕對唔係狙擊佢一個。之前寫咗幾篇文講積臣，大家應該記憶猶新。轉會窗最後一刻俾車仔剎停佢轉會，但又因為召回咗古爾而再次放行，成單鬧劇提供咗無數嘅歡樂俾大家。 眨眼間，三個月過去，呢位曾經令我哋又愛又恨、充滿娛樂性嘅前鋒，喺德國究竟過成點？係變身做「xG之神」大殺四方，定係繼續佢「小丑」嘅本色，...

「又係U型足球，睇到火X滾！」上上個禮拜對狼隊，上半場 0-0，對住人哋個五後衛，我哋又係老鼠拉龜，傳嚟傳去都入唔到禁區，悶到史丹福橋自己友都噓爆，相信果句嘢係好多車迷嘅內心讀白。呢個便秘嘅畫面，今季已經唔係第一次見。我哋係咪注定一世都淨係識蝦啲同我哋對攻嘅波，一遇到泊大巴就即刻冇晒符？ 但人算不如馬蛇算，下半場我哋竟然變咗第二隊波，七分鐘...

史達寧（Sterling）同 迪「沙」斯（Disasi）今季喺英超人間蒸發，頭11週上陣時間係 0，佢哋兩個入咗雪櫃深處呢件事，相信已經係人所共知嘅事實。 喺佢哋雪到硬一硬嘅兩個月之後，最近終於有返佢哋嘅消息。不過，兩單都唔係咩好嘢：史達寧屋企被武裝打劫；而迪沙斯，就被貶咗落 U21 踢波。 呢兩單睇落風馬牛不相及嘅花生，當然就係純粹巧合...

上一篇【球會篇】 (←未睇可以按呢度睇返)，我哋用數據證明咗，車仔係一支1或0的極端主義球隊：進攻 xG 勁到曉飛（英超第一），但同時自爆失誤同紅牌數都係名列前茅（都係頭三甲）。 今次話明係【球員篇】，就要將個放大鏡，擺返喺班球員身上，玩一鋪捉鬼遊戲：究竟邊個係撐起我哋嘅「神將」，邊個又係搞到我哋失分嘅「智將」？ 例如，我哋個前鋒祖奧柏度...

又到國際賽期，我哋班 M 底車迷，終於可以停一停，唞一唞，係時候同球隊做返個期中報告。 踢咗11場波，我哋暫時排緊第三，成績算係有交代。而數據上，我哋更加係勁到曉飛：總入球 21 同總預期入球 xG 20.4，兩樣都係全英超第一。 但問題又嚟，如果條數真係咁靚咁勁，我哋又排緊第三，點解我哋作為球迷，仲係場場波都睇到要揸實個平安鐘？原因好簡...

我諗近來有睇波嘅球迷對呢個標題，都已經麻木咗。無錯，車仔中場球員拉維亞（Roméo Lavia）又傷咗。 今次呢單「噩耗」，發生喺歐聯對卡拉巴克（Qarabag）嘅比賽。佢喺一個所謂受控嘅負荷管理下，拉維亞後備上陣，然後... 喺短短 8 分鐘之後，就再次受傷倒下。 當年我哋搶贏咗利物浦，係修咸頓果度用 £53m 買返嚟嘅中場，佢係唔係天...

喺我哋車迷圈入面，十幾年嚟都流傳住一個「都市傳說」：點解車仔當年會咁L輕易，就放走迪布尼咁嘅神級球員？官方答案的話，就傳聞係摩連奴睇唔起佢、加上迪布尼操練辛祖化、唔夠鬥心。 但喺球迷之間，另一個「花生味」極重嘅版本，似乎先至係合理解釋：就係因為佢同我哋另一位重點培育球員：古圖斯，共享過同一個女友。共享呢個概念居然係十幾年前就開始，車仔果然行...