戰術覆盤 的搜尋結果

我在此恭喜晒車迷，唔係因為輸波攞景贈慶而咁講，而係因為我哋終於捱完咗一個咁難頂嘅球季。如果你同我一樣，不離不棄咁支持咗呢隊柒波一年，先俾掌聲自己。 聯賽煞科日，車路十喺光明球場用一場 2：1 的敗仗，鎖定聯賽第 10 名、全季只拎到 52 分成為隊史英超第五低積分，柒到連 The Athletic 都費事為呢場波出深度戰術報導，正式由車路士...

先恭喜阿仙奴。嗯，我都唔明點解車路士對熱刺嘅戰術覆盤我要恭喜第三隊波先，但因為曼城失分，阿仙奴確定咗成為今季嘅英超冠軍。 恭喜完，講返場波，呢場倫敦打吡對車路士嚟講，算係喺經歷完足總盃決賽嘅心碎之後，搵到一個勉強可以宣洩嘅出口。雖然因為曼城和波，令我哋正式宣告無緣下季歐聯，但可以喺史丹福橋將熱刺推向煞科日護級呢個漩渦，果種攬炒嘅快感呢………...

球證長笛一響，0：1，車路士正式同今屆足總盃擦身而過，亦宣告今個風雨飄搖、充滿鬧劇嘅球季以四大雞胸兼徹底無緣來季歐洲賽作結。連續第七次喺國內盃賽決賽飲恨，繼續刷新呢個無人想破嘅尷尬紀錄，對車迷應該幾難吞落肚。 面對住近來狀態咁好嘅曼城，輸波一定唔開心。但對比季尾嗰段創紀錄六連敗嘅絕望感，今場決賽車路士絕對稱得上係「站著死」。就好似三刀流某劍...

經歷完上場主場被森林副選大炒、創下 33 年最長六連敗嘅百年恥辱後，車路士今場作客利物浦，包括我在內，相信好多人都打定輸數。但足球神奇嘅地方係，你永遠估唔到佢實際係會點發展。 經歷咗你攻我守嘅一人半場90分鐘戰鬥，車路士居然可以係晏菲路拎走一分，順便終結6連敗走勢，你望下賽後科芬拿笑得幾開心，就知拎到一分有幾咁難能可貴。 距離硬撼曼城嘅足...

如果幾日前足總盃殺入決賽係一場短暫嘅美夢，咁今場重返英超賽場，就係一盆兜頭淋落嚟嘅冰水，將所有車迷扯番落最殘酷嘅現實。 1：3 主場不敵諾定咸森林，車路士正式錄得英超六連敗，創下自 1993 年以嚟球會最長嘅聯賽連敗紀錄。但呢個都未算最侮辱…望下對手，佢哋為咗留力打歐霸盃四強，今場正選足足輪換咗 8 個人。面對一隊排 16 嘅半力陣容，車路...

正如我喺Facebook所講，我估大家好難想像，眼前呢隊傳波行雲流水、有猜波有走位嘅車路士，同幾日前經歷「百年恥辱、聯賽五連敗兼零入球」嗰隊，竟然係同一班人。 賽後網上當然好多車迷熱烈討論，「成班友仔根本為咗趕走羅生Hea踢。」「你睇佢哋今日幾精神幾熱血。」我明白，講呢種造反論或者內鬼論好吸引，一兩句就可以解釋晒所有嘢，大家聽落又覺得順理成...

絕望喺未開波就開始、但比賽未開始已經結束，原來世事可以荒謬成咁。 我知好多人係覺得我寫嘢尚算中立正路 (自稱) 而睇，但如果喺呢個狀況下，我仲可以好冷靜咁支持領隊，咁我一定唔係車仔Fans，我亦無資格自稱車仔Fans。 先係寫其他嘢之前俾個讚自己，同真係睇足咗全場嘅巴打們，我哋可以堅持到 90 分鐘，基本上同玩咗一次極限運動係無分別，唔使...

買股票，如果睇住間公司業績倒退、股價跌到無極限，理智嘅人會選擇斬欖止蝕；返工受氣，如果覺得間公司無前景、無晉升機會，大不了辭職跳槽。唯獨係支持一隊波，係一場毫無止蝕機制、純粹嘅情感投資。即使你知道球隊嘅管理層混亂、戰術體系千瘡百孔，甚至已經跌入萬劫不復嘅深淵，你依然無法輕易抽身。 理智上，望住新特蘭同愛華頓贏波，我哋深知車路士隨時會跌落第八...

車路士對住曼城，計埋今場已經係連續 13 場不勝。賽前真係會有車迷咁樂觀，覺得車路士有贏嘅可能？嗯，如果有嘅話，你好有潛力加入香港政府做財爺搞下經濟預測。作為車迷 (至少我係咁)，其實未踢已經心如止水，踢到輸 0：3 亦無乜嬲或者過敏反應，畢竟一切都係預期之中……就好似望住日落日出咁，內心毫無波瀾。 比起實際結果，我估唔少車迷嘅心情相對矛盾...

歐聯慘痛出局、聯賽被愛華頓大炒、安素同古古發言等等嘅嘅動盪，唔使大家講都知，車路士急需一場大勝去平息球迷嘅怒火，亦需要為風雨飄搖嘅更衣室止血。足總盃面對排喺英甲包尾嘅維爾港，球隊最終以 7：0 大炒對手殺入四強。 但對於會睇戰術同數據嘅球迷嚟講，單睇呢個誇張嘅大比數其實毫無意義。面對實力有著巨大鴻溝嘅低組別球隊，贏波只係贏返士氣，買到少少喘...

當十二碼嘅哨聲不再頻繁響起，當運氣嘅眷顧不再降臨，一隊球隊真正嘅實力與戰術底蘊，就會赤裸裸咁展現喺球迷眼前。 作客愛華頓嘅新球場，車路士吞下一場乾淨俐落嘅 3：0 大敗，甚至，作為車迷嘅我完全搵唔到任何辯解之詞。作為一隊理應爭奪前四、前五歐聯資格嘅球隊，我哋今場完全踢唔出應有嘅水準，甚至可以話係毫無還擊之力。 當遮醜布被無情掀起，無論係場...

賽前我搵咗一堆數據，幻想車仔可以點樣絕地反擊，有咩條件、有咩方案，但落到場之後，現實往往會將你擊沉。技不如人，四個字就已經足夠概括咗今場嘅情況。 同做人一樣，輸唔緊要，但如果係入面有學到任何嘢，就已經無愧於付出嘅汗水。首回合輸 5 球，次回合返到主場再吞 3 蛋，總比數 2：8 出局。面對歐洲冠軍 PSG，實力有巨大鴻溝係客觀事實，無咩好怨...

啱啱先喺巴黎經歷完一場 5：2 嘅歐聯大屠殺，帶住一身傷痕返到史丹福橋，迎戰爭四直接對手紐卡素，結果……嗯，係換來另一場 0：1 嘅敗仗。賽前明明有巴打話：「小編你唔睇直播就會贏架啦…」唔該講呢啲嘅巴打係下面留個靚言俾我打臉。 當然，講笑係咁講，但短短三日之內連環重創，球隊喺半場同完場都被自家球迷狂噓，呢種心情的確係難以形容。最慘嘅係，場波...

兵敗如山倒，琴日仲笑緊熱刺輸俾馬體會5：2，無諗過今日自己會遇到一樣嘅比數。如果係強強對話，戰術實力有分野，有踢出自己嘅足球，輸波真係唔緊要。但係三番四次自己出錯，後防送波俾對手打破自己士氣，好難怪賽後網民會嘈到拆天。 當對手後備換上字母哥，我哋係換上戴納；當對手用緊馬昆奴斯後上騷擾我哋中場線、細查同科芬拿係後場仲未瞓醒。3球差距，唔止代表...

賽前先同大家講過，域斯咸班主當正我哋係《Welcome to Wrexham》紀錄片入面嘅終極大魔王，等住拍低凡人屠龍嘅童話結局，我哋理應做個稱職嘅末日博士，狠狠地送個噩夢畀佢哋。 相信好多車迷賽前本來都舒舒服服買定花生，期待可以睇到一場行雲流水、殺到眼紅嘅大勝。點知希望越大失望越大，今場波竟然變成一場要踢足 120 分鐘、幾次喺懸崖邊緣執...

經歷完上場對阿仙奴嗰種令一眾車迷火滾嘅無骨氣敗仗，今場作客有主場堡壘之稱嘅阿士東維拉，老實講賽前我自己就打定輸數，以為爭四希望會正式幻滅。 點知足球就係咁奇妙，車路士今場竟然打出一場羅生嘅代表作，由早段落後到連追四球大勝，將呢場爭四嘅六分波穩穩袋好。贏波之後，車仔順利反超利物浦殺上聯賽第五，距離第四嘅維拉只係差 3 分，真係令一眾車迷血壓急...

個標題本身已經唔見咗車路士，你點估到連阿仙奴個名都換走埋你仍然睇得明…中文真係博大精深。 對住今季爭冠份子阿仙奴，作客酋長球場失分，老老實實，結果係點賽前大家心裡都有數。我預咗會輸，亦唔介意輸，但身為車迷，最痛心最介意嘅係隊波輸得毫無骨氣。 講返今場波，我自己覺得係兩大招牌嘅終極對決：必殺嘅角球FC，迎戰車路士今季最引以為傲（？）嘅「紅牌...

紅牌FC好公道呀係咪？因為連埋今場，車路士今季已經喺聯賽拎咗足足 8 面紅牌，冠絕英超。差 3 張，我哋就可以砌出紅牌 11 人 對住排喺降班區邊緣嘅般尼，主場出擊，早早領先，原本以為可以輕取 3 分穩固前四位置。點知最後因為球員嘅紀律問題同領隊嘅過度保守，將一套喜劇變成咗一場災難。賽後好多車迷喺度屌鬼，但我睇完 90 分鐘，對今場波嘅總結...

羅生回到成名地 MKM Stadium，帶領車路士以 4：0 大勝侯城晉級足總盃第五圈。 單睇比數，你以為係一場輕鬆嘅屠殺？非也。上半場其實更似係一套驚嚇喜劇。喺漫天風雪之下，車路士上演咗各種花式失機，令電視機旁嘅我血壓飆升。如果唔係尼圖挺身而出完成職業生涯首個帽子戲法，加上戴納由世紀失機變身助攻王嘅自我救贖，呢場波嘅劇本隨時會由喜劇變悲劇...

我無打錯，你無睇錯，我係寫車十二。有笑錯你咩？10場7個十二碼，無咗十二碼，你變咗十二弟啦。 羅生領軍下嘅聯賽全勝紀錄終於斷纜。主場 2：2 被列斯聯逼和，表面上係一場互有攻守嘅激戰，但講白啲，其實係一場由車路士自編自導嘅交學費電影。 全場壓住對手攻，數據靚到盡，但諷刺地要靠 12 碼糊口，更令人灰嘅係，喺領先兩球嘅大好形勢下，因為防線溝...